വൈകുന്നേരം ലേയിലെ പ്രശസ്തമായ Hall of Fame കാണുവാനായി പുറപ്പെട്ടു. താമസിക്കുന്ന ഹോട്ടലിൽ നിന്നും അധികം ദൂരെയല്ലാതെയായിരുന്നു ഈ സ്ഥലം. പട്ടാളം നോക്കി നടത്തുന്ന, ലേയുടെ ചരിത്രവും പലകാലങ്ങളിൽ ഉണ്ടായിട്ടുള്ള യുദ്ധങ്ങളുടെ വിവരങ്ങളും യുദ്ധോപകരണങ്ങളുടെ ശേഖരങ്ങളും പ്രദർശിപ്പിച്ചിട്ടുള്ള ഒരിടം
ഞങ്ങൾ നിൽക്കുന്നതിനു തൊട്ടുപുറകിലുള്ള മലമുകളിൽനിന്നാണ് പാകിസ്ഥാൻ നുഴഞ്ഞു കയറ്റം നടത്തിയതും നമ്മെ ആക്രമിച്ചതും. ആ സമയത്ത് മഞ്ഞുകാലമാകുമ്പോൾ കഠിനമായ തണുപ്പ് കാരണം ഇരുരാജ്യങ്ങളും അവരുടെ കാവലിടങ്ങളിൽനിന്നും പിന്മാറുകയും പിന്നീട് കാലാവസ്ഥ നന്നാവുമ്പോൾ തിരികെ വരികയുമായിരുന്നു പതിവ്. പക്ഷെ 1999 ഇൽ പാകിസ്ഥാൻ നേരത്തെ പറഞ്ഞുറപ്പിച്ചതിൽനിന്നും നേരത്തെ എത്തുകയും ഇന്ത്യക്കുനേരേ ആക്രമണം അഴിച്ചുവിടുകയും ചെയ്തു. മൂന്നുമാസത്തിൽ നാം നമ്മുടെ ഭാഗങ്ങൾ തിരികെ പിടിക്കുകയുണ്ടായി. അതിനുശേഷം വർഷത്തിൽ എല്ലാദിവസവും അവിടെ കാവൽ ഉറപ്പാക്കി. കൊടിയ തണുപ്പിൽ ചിലപ്പോൾ താപനില -40 ഡിഗ്രി സെൽസിയസ് വരെ പോകാറുണ്ട്. അവിടെ ആ സമയത്തു കാവൽനിൽക്കുന്നവരെ മനസ്സിൽ നമിച്ചു. നല്ല ഭക്ഷണംപോലും കിട്ടാൻ ബുദ്ധിമുട്ടാവും ഇവിടെ ചിലപ്പോൾ.
അല്പം കഴിഞ്ഞതോടുകൂടി ഭൂപ്രകൃതി മാറിത്തുടങ്ങി. ഞങ്ങളുടെ യാത്ര മലകളുടെ വശങ്ങളിൽകൂടി ആയിത്തുടങ്ങി. ഇരുവശവും പച്ചപ്പുനിറഞ്ഞ മലനിരകളും ഇടയിലൂടെ ഞങ്ങളുടെ വഴിയും. നയനാനന്ദകരമായ കാഴ്ചകളായിരുന്നു പിന്നീട്. മലകളുടെ സൗന്ദര്യം എങ്ങനെ വിവരിച്ചാലും മതിയാവില്ല. വഴിയിൽ പലയിടത്തും കഴിഞ്ഞ ദിവസത്തെ ഉരുൾപൊട്ടലിൽ ബാക്കിയായി അവശിഷ്ടങ്ങൾ ഉണ്ടായിരുന്നു. പക്ഷെ വാഹനഗതാഗതത്തിന് അതൊരു തടസ്സമായില്ല
ഇവിടത്തെ ചടങ്ങ് ഇങ്ങനെയാണ്. ഇരുഭാഗത്തേയും സൈനികർ പരസ്പരം പോർവിളിക്കുകവും ആക്രോശിക്കുകയും ഏറ്റവും ഒടുവിൽ പതാകകൾ താഴ്ത്തി കൈകൊടുത്തു പിരിയുകയും ചെയ്യും. ഇതിനൊക്കെ അകമ്പടിയായി കാണികളുടെ ആരവങ്ങളും ഉണ്ടായിരുന്നു. നേരിട്ടു ഈ ചടങ്ങ് കാണുന്നത് ഒരു അനുഭവം തന്നെയാണ്
ഗൂഗിൾ മാപ്പിൽ കാണിച്ച സ്ഥലം എത്തിയപ്പോൾ അക്ഷരാർത്ഥത്തിൽ ഞങ്ങൾ ഒന്ന് ഞെട്ടി. പഞ്ചനക്ഷത്ര ഹോട്ടൽ പോലെ ഒരു കെട്ടിടം. വിശാലമായ പാർക്കിങ്. അംരിക് സുഖ്‌ദേവ് എന്ന ബോർഡും. സെക്യൂരിറ്റിയുടെ അടുത്തായി ബൈക്കും ബൈക്കിലെ സാധനങ്ങളും വെച്ച് ഞങ്ങൾ കഴിക്കാനായി കയറി. എല്ലാം അദ്ദേഹം നോക്കിക്കോളാം എന്ന് പറഞ്ഞു, ഒന്നും പേടിക്കണ്ട എന്നും.
ആദ്യമായി പോയത് സഫ്ദർജംഗിന്റെ ശവകുടീരത്തിലേക്കായിരുന്നു. ലോധി റോഡിൻറെ സമീപത്തായിട്ടാണ് ഈ സ്മാരകം സ്ഥിതി ചെയ്യുന്നത്. ഇത് നിർമ്മിക്കപ്പെട്ടത് നവാബ് മിർസാ മുഖീം അബ്ദുൾ മൻസൂർ ഖാൻ എന്ന വ്യക്തിക്ക് വേണ്ടിയാണ്. മുഗൾ കാലത്തെ അവസാന ഉദ്യാന മാതൃകയിലുള്ള ഈ ശവകുടീരം 1754 ഇൽ നിർമ്മാണം പൂർത്തീകരിച്ചതാണ്. ചെങ്കല്ലും മാർബിളുമാണ് നിർമ്മാണ സാമഗ്രികൾ. 1722 ൽ ഇന്ത്യയിലേക്ക് വരികയും അവധ് എന്ന ദേശത്തിലെ ഭരണാധികാരിയാവുകയും ചെയ്ത അബ്ദുൽ മൻസൂർ ഖാൻ പിൽക്കാലത്ത് അറിയപ്പെട്ടത് ‘സഫ്ദർജംഗ്’ എന്നാണ്
ദൂരയാത്രകളിൽ പലരും ചെയ്യുന്നതാണ് ബൈക്കിനെ പാർസൽ ചെയ്യുന്നത്. യാത്രകളിൽ ദിവസം ലാഭിക്കാനും ചെലവ് കുറക്കാനും ഇത് വളരെയധികം സഹായിക്കും. ആദ്യമായി പോകുമ്പോൾ പലർക്കും ഇതെങ്ങനെ ചെയ്യും എന്ന അറിവില്ലായ്മയോ അങ്കലാപ്പോ ഒക്കെ ഉണ്ടാവാം. ഞങ്ങളും ആദ്യം അത്തരം ഒരു അവസ്ഥയിൽ ആയിരുന്നു. അതിനാൽ തന്നെ ട്രെയിൻ ബുക്ക് ചെയ്തതിനു ശേഷം ആദ്യം ചെയ്തത് റെയിൽവേ സ്റ്റേഷനിൽ പോയി പാർസൽ കൈകാര്യം ചെയ്യുന്ന ആളെ കാണുക എന്നതായിരുന്നു. ചെന്നൈ റെയിൽവേ സ്റ്റേഷനിൽ സെൽവം എന്ന ആളാണ് ഇതെല്ലാം ചെയ്യുന്നത്
സ്വന്തമായി ഒരു വാഹനം മേടിക്കുന്നതിനു മുൻപേ ഉള്ള ആഗ്രഹമായിരുന്നു ഒരു ഓൾ ഇന്ത്യ ട്രിപ്പ്. ഏകദേശം പത്തുവർഷമായി ഉള്ളിൽ ഉള്ള മോഹം. വിവാഹ ശേഷം ആ ആഗ്രഹത്തിന്റെ തീവ്രത കൂടി, കാരണം ദിവ്യയും പൂർണ്ണ സമ്മതത്തോടെ ഒപ്പം ഉണ്ടായിരുന്നു. അങ്ങനെ ആ സ്വപ്നത്തിനു ജീവൻ വയ്പ്പിക്കാൻ 2020 ഇൽ ഉറപ്പിച്ചു. അന്നുമുതൽ ഞങ്ങളുടെ സമ്പാദ്യത്തിൽനിന്നും ഒരു വിഹിതം യാത്ര എന്ന മോഹത്തിനുവേണ്ടി മാറ്റിവെക്കാൻ തുടങ്ങി. 2022 യാത്ര ആരംഭിക്കാനും തീരുമാനമായി. അപ്പോഴേക്കും രണ്ടുപേരുടെയും അക്കൗണ്ടിൽ ലീവ് ക്രെഡിറ്റ് ആകും എന്നതായിരുന്നു 2022 തിരഞ്ഞെടുക്കാൻ ഉണ്ടായ കാരണം. 30 ദിവസം രണ്ടുപേർക്കും ലീവ് ലഭിക്കും. 2022 ജനുവരിയിൽ ഓഫീസിൽ പറഞ്ഞു. ഒരെതിർപ്പും പറയാതെ മാനേജർമാർ സമ്മതിച്ചു. അങ്ങനെ ആദ്യത്തെ കടമ്പ കഴിഞ്ഞു.
രണ്ടാമത്തെ യാത്രക്കുശേഷം പിന്നീട് ശ്രമിച്ചപ്പോഴെല്ലാം ടിക്കറ്റ് ലഭിക്കാതെ നിരാശപ്പെടേണ്ടി വന്നു. ഒരു വർഷം നാട്ടിൽനിന്നു മാറി നിന്നതിനാൽ ആ വർഷവും പോകാൻ കഴിഞ്ഞില്ല. ഒടുവിൽ 2018 ഇൽ ഞങ്ങൾ കുറച്ചുപേർ ചേർന്ന് വീണ്ടും പോകാനുള്ള തീരുമാനമെടുത്തു
2002 ലെ യാത്രക്ക് ശേഷം പലതവണ പോകണം എന്ന് കരുതിയെങ്കിലും പല കാരണങ്ങളാൽ അതു മുടങ്ങിക്കൊണ്ടിരുന്നു. കോളേജ് പഠനകാലങ്ങളിലും പലവട്ടം ശ്രമിച്ചു. എന്തുകൊണ്ടോ പിന്നെ അഗസ്ത്യകൂടം യാത്ര നടന്നില്ല. അങ്ങനെയിരുന്നപ്പോൾ 2014 ഇൽ അമ്മാവന്റെ വിളി വന്നു. അഗസ്ത്യകൂടം ബുക്കിംഗ് ഓൺലൈൻ വഴി ആക്കി എന്ന വാർത്തയും കൊണ്ട്. വിളിച്ചതിനു 2 ദിവസത്തിന് ശേഷം ബുക്കിംഗ് തുടങ്ങി. ജനുവരി 14 ആണെന്നാണ് ഓർമ്മ. അന്ന് തന്നെ രാവിലെ കയറി ബുക്ക് ചെയ്തു. ഫെബ്രുവരി 1 മുതൽ 3 വരെ
